اسئلة نبي الصراحة بليز

كم مرة رسبتي في دراستك.؟ << بصراحة
ولا مره والحمد لله


2ـ لو قال لك المصباح السحري إختاري أمنيتين وش تختارين....؟
اني انسافر لصين
اني نقعد مختفيه شهر (_( عشان نلعب في الناس ))

3ـ بصراحة كم جنيه بمحفضتك......؟
5 درهم



4ـ أنت/ ـي تقري او تشتغل ....؟

نقراء


5ـ وين تسكن اي المدينه ......؟
في سيدي حسين في بنغازي


6ـ كم ساعة تجلسين على النت........؟

6 اقل حاجة



7ـ متى آخر مره انضربت/ي ؟ ومن مين ؟ وليش ؟
من شهرين فاتن من خويه مش عارفه عليش


8ـ إذا إكتشفتي إن صداقتك مع إنسان مزيفة وش بتسويين.....؟
مش عارفه مرات نقتله وبعدها نقتل روحي


9ـ كم منتدى أنت مسجله فيه.......؟
تقريباً 7


10ـ ما أصعب موقف مر في حياتك ..........؟
وفاة خويه

11-ما هي أمنيتك في الحياة ...............؟
اني ننجح في جميع السنوات من الدور الاول يارب

12- هل تثقين بأحد من أصدقائك ........؟
نعم اكيد اقل حاجة نثق بــ 4



13-من هو العضو المفضل لديك بهذا المنتدى ............
DDT

وينكم

ياهو وينكم

1ولا مرة وانشاءالله ماتصير:2 عندي عرم امنيات بس ما انقولهنش
3كان لقيتوا 5 قروش هذا وجهي :lo l!:
4نقرا
5شارع عمرو بن عاص ف بنغازي
5ساااااعاااات ومافوق
7انضربت من بنت معايا ف المدرسة اسمها طجينة وما قدرتش عليها عشان هي اطنان من وزني
8انقوله باي باي
5منتديااااات
10لما اختي ظربتها سيارة نطرتها قدام عيوني
11 النجاح والصحة اكيييييييد
12يالا انحطها ف روحي الثقة توة قعدت معدومة

DDT//THE EMO13

1- رسبت مره واحده وانشاء الله مش حنعودها ....... 2/ ان انخش الجنه/ ونقعد دكتوره مشهوره 3- 40 اجنيه والله 4 -نقرا 5- شارع عمر بن العاص 6 من الساعه 11 فى الصبح لعند 2 فى اليل ما انصكرش بكل 7- منذ شهر 2 حصلت طريحه من صحبتى فى المدرسه 8- انفوتها 9- تقريبا 10 اصلا ما انحبش المنتديات واجد 10- يوم سيبت الى كنت انحبه 11- انحقق جميع طموحاتى 12- التقه فى الرسول والرسول مااااااات 13- the emo

منوره يا لميس

كم مرة رسبتي في دراستك.؟ << بصراحة
انا معمريش عاودت السنه لاكن درت دور ثاني في 1 ثانوي 2 ثانوي طبعن من عدم مش قلت القرايه



2ـ لو قال لك المصباح السحري إختاري أمنيتين وش تختارين....؟
يشريلي جيتاره جبسون من المصنع ويطلعني انعيش بره في امريكا

3ـ بصراحة كم جنيه بمحفضتك......؟
معنديش محفضه اصلا

4ـ أنت/ ـي تقري او تشتغل ....؟
نقراء ب

5ـ وين تسكن اي المدينه ......؟
في بنغازي البلاد شارع فياتورينو عند عمار السفينه

6ـ كم ساعة تجلسين على النت........؟
مرات انقعمز بال12 ساعه من 9 اليل لعن 9 الصبح ومرات منقعمزش الى في العشيه ساعه او 2

7ـ متى آخر مره انضربت/ي ؟ ومن مين ؟ وليش ؟
في 2 اعدادي نابشت عيل عساس طيب والي هناك صار

8ـ إذا إكتشفتي إن صداقتك مع إنسان مزيفة وش بتسويين.....؟
أتأسف وخلاص

9ـ كم منتدى أنت مسجله فيه.......؟
kaz و منتدى الكشافه

10ـ ما أصعب موقف مر في حياتك ..........؟
بعد ما مسكوني المرور وانا سارق سيارت جدي في اليل

11-ما هي أمنيتك في الحياة ...............؟
نطلع انعيش بره انا و زيكو

12- هل تثقين بأحد من أصدقائك ........؟
طبعا اكيد

13-من هو العضو المفضل لديك بهذا المنتدى ............؟
انا والله اي عضو يشارك معانا في اخويتنا kaz حيكون مفضل وانتو كلكم مفضلين

[center]
كم مرة رسبت؟
مرة وحده

لو سالني المصباح؟
حنطلب اني نعيش بره البلاد
والطلب الثاني اني نكون ناجحه في حياتي

كم جنيه بمحفتي؟
حاليا 5جنيه فقط لاغير

نقرا ولا نشتغل ؟
انا نقرا وخاطري نشتغل

في اي مدينه؟
بنغازي ___________احلي مكان في العالم


كم ساعه تجلس علي النت ؟
علي حسب مرات اقل من ساعه,ومرات نقعد من الساعهعشره الصبح لعند2الظهر وبعدها نطلع ونرد اخرى الساعه 9لعند الواحد في اليل
وفي فتره قعدت نقعد لعند الساعه8الصبح بس امي دارت جو حلو بطلت قعدت نطلع مكسمومالواحد


اخر مرة انضربت ؟
نذكرش بس كانت الضربه بالشبشب من امي

اذا اكتشفت ان صداقتك مزيفه........؟
صارت معايا كم مرة ومع اكثر من شخص اضيقت وحسيت ان الدنيا اخيه بكل وتنكدت
بس توا عادي الجوتمام لكن فقد الثقه في الناس للاسف

كم امسجل في منتدى؟
kaz/الساحه الكشفيه/منتدى الكشافه الليبيه/منتدى مفوضية بنغازي ووووبس


ما اصعب موقف في حياتك؟
لما خونوني ناس قراب مني وكنا كيف الخوت بالظلم (الله يسمحهم)

ما هي امنيتك في الحياة؟
اني نستقل ونقعد من انجح البنات في العالم

هل تثق باحد من اصدقائك.؟
للاسف كان في ناس واجد نثق فيهم ..بس توا حد واحد فقط وان شاء الله تقعد ديمه هك ونثق فيها

من هو العضو المفضل ؟
الي الان ما فيش كلهم زي بعضهم
توا بعد سنه نقوللكم

وشكرا عرم بكل وااااااااجد علي الموضوع
صحيتوا كلكم

pm
أسئله ممتعة .. ادخلو .. وكونو صريحين!!
كم مرة رسبتي في دراستك.؟ << بصراحة Shocked
حمد الله ولامره


2ـ لو قال لك المصباح السحري إختاري أمنيتين وش تختارين....؟ affraid
انى نلعب فى منتخب المانيا الثانى انى نصعد للقمر



3ـ بصراحة كم جنيه بمحفضتك......؟


ماعنديش محفضه

4ـ أنت/ ـي تقري او تشتغل ....؟

نقرى
5ـ وين تسكن اي المدينه ......؟

بنغازى
6ـ كم ساعة تجلسين على النت........؟
ساعه ساعه ونصف


7ـ متى آخر مره انضربت/ي ؟ ومن مين ؟ وليش ؟ pale Suspect

قديمه اخر مره

8ـ إذا إكتشفتي إن صداقتك مع إنسان مزيفة وش بتسويين.....؟ Mad affraid

صارت واجد نقطعه

9ـ كم منتدى أنت مسجله فيه.......؟ rabbit

3

10ـ ما أصعب موقف مر في حياتك ..........؟ Neutral

انى فقدت والدى مزال عقلى مش مستوعب الفكره
11-ما هي أمنيتك في الحياة ...............؟ Embarassنقعد انسان ناجح فى كل شى فى حياتى

12- هل تثقين بأحد من أصدقائك ........؟ Evil or Very Mad

اجل بس مش الكل
13-من هو العضو المفضل لديك بهذا المنتدى ............؟ afro
حليا لا احد بس انفضل الى يتفاعلو مع الموضوع

كم مرة رسبتي في دراستك.؟ << بصراحة
مره وحده بس دور ثاني ونجحت كنت ف اوله اعدادي


2ـ لو قال لك المصباح السحري إختاري أمنيتين وش تختارين....؟
بصراحه اول منيه نقعد عيل لكن مستحيل
ثاني امنيه ليبا تسقم منلز لشلتت منها

3ـ بصراحة كم جنيه بمحفضتك......؟
فش شي

4ـ أنت/ ـي تقري او تشتغل ....؟
نقره

5ـ وين تسكن اي المدينه ......؟
بنغازي

6ـ كم ساعة تجلسين على النت........؟
على حسب كان انسجمت انطول
كان جو شين انمل و نصبي ..


7ـ متى آخر مره انضربت/ي ؟ ومن مين ؟ وليش ؟
ليا زمان انضربتش ضربه حلوه


8ـ إذا إكتشفتي إن صداقتك مع إنسان مزيفة وش بتسويين.....؟
اول حاجه انقوله انتي 1.2.3
بعدين انفوته وكأنش نعرفه


9ـ كم منتدى أنت مسجله فيه.......؟
2 ف المنتدى هذا و منتدى الكشافه بس


10ـ ما أصعب موقف مر في حياتك ..........؟
انا حياتي دفنقي فيهش مواقف

11-ما هي أمنيتك في الحياة ...............؟
لما نكبر نقعد حاجه صح ..

12- هل تثقين بأحد من أصدقائك ........؟
انا نثق ف اي حد .. اصلآعندش اسرار بش انقولهن لحد نثق فيه


13-من هو العضو المفضل لديك بهذا المنتدى ............؟
كلكم نزكين .... هيجو

صـــــــــــولي امتا انضربتي قولي مش مفضحين بكلي


خاصة لي صال : تذكري مس كوثر لي في الحرية

الصديق وقت الضيق
ياختي ما فضحتيش بيا
قوليلهم تاع الابله الي قعدت تجري وريا ع كبر المدرسه