تصويت

التعليم في ليبيا ليس جيدا انا اكره التعليم في ليبيا نصيحتي علي كل الاعضاء دراسة في الخارج

وين رد وين التصويت

انا مش معاك نهائي بالعكس التعليم عندنا تمام
اي نعم مدرسنا وكليتنا مش مجهزه لكن كتعليم كويس عندنا

والله التعليم في ليبيا تمام بكل بس الناس هما مايبوش يقرواا

انت اقراء مش حيضلمك حد

مثلا كان واحد جاب جيد ويبي يخش طب وميغشش يقول عليك تعليم اجرب

والله في ليبيا دكاترة ومهندسين تمام بكل وومدارس خطيرة وقويه بكل


لكن والله ليبيا قويه الناس مش فهمتها وهي خير من ستين الف دولة اخر متبحتوش في الدول الاوربيه وتقرنوها بيها بحتو في الدول الافريقيا تلقا ليبيا 2 دولة متطوره والله الحمد لله

يعني التعليم في ليبيا تمام باهي قرارات كل يوم شوف فضيحة شهادة الاعدادية فضيحة كبير ولا نحن ايام الثانوية حقل تجارب ولا فضيحة كبير عند الان يطلبون بتعويض سنة رابعة ثانوي كيف ايصير فيهم فضايح واجد غير نحن ناسيين


وين صح؟

تعليم في ليبيا صفر ليس جيداا انا معاك يا سفيان

لا والله انت وحضك مرات تقرا تصقط

انا انقول ان التعليم ف ليبيا مش تمام ومش سئ
يعني الي يبي يقرا تو ينجح حتى لو كان التعليم 0%

انا مع وجدان الي يقراء ينجح لاكن حتى لو التعليم مش تماما وهو اصلا مش تمام

تي همه مش مقصرين معانا بكل بجو مفيش حد يقراء يصقط وكان صقط ايعدي ايراجع يلقى روحه ناجح وفي حاجه نبي انقولها الكم سادكم ان القرايه ابلاش تي كنهي بفلوس راهو سايره حاله صح ولا لا

والله التعليم تمام بكل ثالث اعدادي وثالثة ثانوي الغباء في الطالبه والابلات مش في امانة التعليم الارقام يكتبوا فيهن خطا

مستعده انسميلك اكثر من 10 مدارس صح بكل في ليبي وخاصة في بنغازي

صح والله المشكله فينا نحن الطلبه مش الامانه بس حتى الامانه تمتلك شويت فلايط

والله غلاطنين التعليم اساس خراب الطلاب صح في طلاب فشلين باهي كل يوم بقرار كيف اصير انا معاك يا سفيان

طاح سعدكم اسكتو فضحتو بينا
افرضو خش شي واحد مش من ليبيا

خليه يدخل ويشوف حقيقة التعليم في ليبيا

طاح اسعدك
انا معاه خليل و وجدان ف الراي
(الي يقره ينجح)

شكرا شكرا

شكرا صال ويا خليل
هكي الراي يا بلاش

صح الى يقرا ينجح بس فى وحدين انجحو بل واسطه انا نعرفهم شخصيا الى امه عندها منصب فى التعليم والى خاله امين الشعبيه الى اخر نحن بلادنا فيها مشكله وحده ما فيش قانون ما فيش دستور يحمى الموطن حتى سيف الاسلام قلها ليبيا الدوله الوحيده الى مافيهاش دستور

ادوي على قيس اعقولنا
متلآ انا مافخمتش دستور شن تطلع

هو كتاب يضع فيه القانون والحكام الجنائيه ويمشى على الكل ومافيش حد فوقه ابسط مثال الرئيس الروسى طلع فى صوره ايسوق فى السياره ومش لابس الحزام عندما عرضت على التلفاز بعض المواطنين احتجو وامره بتطبيق القانون الذى يامر بدفع مخالفه لعدم لبس الحزام يعنى مافيش حد فوق الدستور حتى ولو كان الرئيس نحن القونين هذينا ماعندناش انشالله فهمتى

اصلآ انا كنت عرفتها
لكن كنت انشوف فيك تعرفها ولا لا

شن صار طلعت نعرفه بلكى انا فهم غلط؟

خلاص فوتوه الموضوع هذا فكونا من السياسة

باهى بس نحن ماندوش فى السياسه نحن ندو فى مشاكلنا